ئیستانبوڵ - AA

سەرکۆماری تورکیا ڕەجەب تەیب ئەردۆغان بە مەبەستی بەشداریکردن لە کۆبوونەوەی کۆمەڵەی گشتی نەتەوە یەکگرتووەکان بەرەو ئەمریکا بەڕێ کەوت.

بەر لە سەردانەکەی بۆ ئەمریکا، سەرکۆماری تورکیا لە فڕۆکەخانەی ئاتاتورک لە کۆنگرەیەکی ڕۆژنامەوانیدا قسەی بۆ ڕاگەیاندنەکان کرد.

دوای کۆنگرە ڕۆژنامەوانییەکەدا سەرکۆماری تورکیا ئەردۆغان لە لایەن جێگری سەرکۆمار جەودەت یڵماز و پارێزگاری ئیستانبوڵ داود گول بەرەو ئەمریکا بەڕێ خرا.

هەریەکە لە هاوسەری سەرکۆمار ئەمینە ئەردۆغان، وەزیری تەندروستی کەمال مەمیشئوغڵو، وەزیری پیشەسازیی و تەکنەلۆجیا محەمەد فاتح کاجر، وەزیری بازرگانی عومەر پۆلات، وەزیری دەرەوە هاکان فیدان، وەزیری وزە و سەرچاوە سرووشتییەکان ئالپئەرسلان بایراکتار، وەزیری خەزێنە و دارایی محەمەد شیمشەک، وەزیری خێزان و کاروباری کۆمەڵایەتی مونیر ئۆزدەمیر، وەزیری بەرگریی یاشار گولەر و سەرۆکی فەرمانگەی پەیوەندییەکان سەر بە سەرۆکایەتی کۆمار بورهانەدین دوران و چەند بەرپرسێکی دیکە، یاوەری شاندی سەرکۆماریی دەکەن لە سەردانەکەی بۆ ئەمریکا.