سێ کاروانی دیکەی گەمارۆدراوانی حەلەب گەشتنە شاری ئیدلب

حەلەب - AA

سێ کاروانی دیکە لە رۆژهەڵاتی حەلەب کە لەلایەن هێزەکانی رژێمی بەشار ئەسەد و گرووپە تیرۆریستییە بیانییەکانی لایەنگری رژێم گەمارۆدراوە، گەیشتنە ئیدلب کە لەژێر دەستی ئۆپۆزسیۆن دایە. بەمجۆرە ژمارەی ئەو کەسانەی لە ناوچە گەمارۆدراوەکانەوە گواستراونەتەوە بۆ ئیدلب، گەیشتە حەوت هەزار و ٥٠٠ کەس.

بەهۆی ئەوەی دوێنێ گرووپە تیرۆریستییە بیانییەکانی لایەنگری رژێم ئاستەنگیان خستە بەردەم کاروانی پاسەکان و دوایان خستن، یەکەم کاروان لەکاتی رۆژ و کاروانی دووەمیش سەر لە ئێوارە گەیشتە ئیدلب کە هاوسنووری تورکیایە.

بەپێی ئەو زانیارییانەی لە حەلەب دەست پەیامنێری ئاژانسی ئانادۆڵو کەوتوون، بە درێژایی شەو بە گرتنەبەری رێوشوێنی ئەمنی هاووڵاتییانی مەدەنی و ئەندامانی ئۆپۆزسیۆن لە حەلەبەوە گواسترانەوە بۆ ئیدلب.

تاکو بەیانی سێ کاروان کە لە دەیان پاس و پاسی بچووک پێکدەهاتن و هاووڵاتییانی سڤیل و جەنگاوەرانی ئۆپۆزسیۆنیان لە ناوچە گەمارۆدراوەکانەوە بۆ ئیدلب گواستەوە. کە لەنێویاندا سەدان بریندار هەبوون.