کۆمەڵێک لە ئەندامانی ڕێکخراوی تیرۆریستیی یەپەگە/سەدەگە کە بە ویستی خۆیان لە سووریا خۆیان ڕادەست کردبوو ئازاد کران
Istanbul
ئیستانبوڵ - AA
وەزارەتی ناوخۆی سووریا بڵاوی کردەوە، کۆمەڵێک لە ئەندامانی ڕێکخراوی تیرۆریستیی یەپەگە/سەدەگە لە گەڕەکی شێخ مەقسوودی حەلەب، دوای ئەوەی بە چەکەکانیانەوە و بە ویستی خۆیان خۆیان ڕادەستی سوپای سووریا کرد، ئازاد کران.
لەو بارەیەوە وەزارەتەکە لە ڕاگەیاندراوێکدا ئاماژە بەوە کرد لە گەڕەکی شێخ مەقسوود، گرووپێک لە ئەندامانی ڕێکخراوی تیرۆریستیی یەپەگە/سەدەگە دوای ڕادەستکردنی خۆیان و چەکەکانیان بە سوپای سووریا، ئازاد کراون.
لە ڕاگەیاندراوەکەدا باس لەوە کراوە دوای ئەوەی لایەنە پەیوەندیدارەکان تەواوی ڕێکارە یاساییەکانیان کۆتایی پێهێنا و لە ڕێگەی لێژنە پسپۆڕەکانی یاسا و مەیدانییەوە ناسنامە و زانیارییە کەسییەکانیان پشتڕاست کرایەوە، ئەو کەسانە ئازاد کران کە تێوەنەگلاون لە کردەی تاوانکاری و دەستیان بە خوێن سوور نەبووە.
هەروەها لە ڕاگەیاندراوەکەدا ئاماژەی بەوە کراوە ئەم هەنگاوە لە چوارچێوەی هەوڵەکانی دەوڵەتە بۆ کردنەوەی دەرگای گەڕانەوە بۆ هەموو ئەو کەسانەی لە ڕێگای ڕاست لایان داوە و تاوانیان بەرامبەر هاووڵاتیانی مەدەنی ئەنجام نەداوە.
