رووداوی توندوتیژی له‌ باڵیۆزخانه‌ی ئیسرائیل له‌ ئوردن

عه‌ممان - AA

له‌و رووداوه‌ی له‌ بینای باڵیۆزخانه‌ی ئیسرائیل له‌ عه‌ممانی پایته‌ختی ئوردن روویدا، دوو هاووڵاتیی ئوردنی گیانیان له‌ده‌ستدا.

به‌پێی هه‌واڵێكی رۆژنامه‌ی غەد-ی ئوردنی، ئه‌و هاووڵاتییه‌ ئوردنییه‌ی له‌ رووداوه‌كه‌دا برینداربوو و دواتر گه‌یه‌نرایه‌ نه‌خۆشخانه‌ گیانی له‌ده‌ستداوه‌ و ژماره‌ی ئه‌وانه‌ی گیانیان له‌ده‌ستدا بۆ دوو كه‌س به‌رزبووه‌وه‌.

هێشتا به‌رپرسانی ئوردن له‌وبارەیه‌وه‌ روونكردنه‌وه‌یان نه‌داوه‌.

له‌ روونكردنه‌وه‌یه‌كی راگه‌یاندنی به‌ڕێوه‌به‌رایه‌تیی گشتیی ئاسایشی ئوردندا راگه‌یه‌نرابوو، هاووڵاتییه‌كی ئوردنی له‌ رووداوه‌كه‌دا گیانی له‌ده‌ستداوه‌ و هاووڵاتییه‌كی دیكه‌ی ئوردنی و هاووڵاتییه‌كی ئیسرائیلیش برینداربوون.