واشنتۆن ــ AA

سەرۆکی ئەمریکا، دۆناڵد ترەمپ ڕایگەیاند کە لە پێناو ئاسایشی نەتەوەیی وڵاتەکەی، پێویستیان بە دوورگەی گرینلاند ھەیە.

دۆناڵد ترەمپ لە لێدوانێکی ڕۆژنامەوانییدا ئاماژەی بەوەداوە کە گرنگی زۆر بە دوورگەی گرینلاند دەدەن، ھەر بۆیە فەرمانڕەوای ویلایەتی لویزیانا، جێف لاندری وەک نێردەی تایبەتی ئەمریکا بۆ ناوچەکە دەست نیشان کردووە.

ڕاشیگەیاند کە لە پێناو ئاسایشی نەتەوەییان، پێویستیان بە دوورگەی گرینلاند ھەیە".

گوتیشی: "ئەگەر لە سەرەتاوە تا کۆتایی سەیری کەناراوەکانی دوورگەی گرینلاند بکەیت، لە ھەموو شوێنێکدا کەشتی ڕووسیا و چین دەبینیت، لەبەر ئەوە پێویستە ئێمە ببین بە خاوەنی گرینلاند، گرینلاند زۆر گرنگە".

ڕۆژی یەکشەممەی ڕابردوو دۆناڵد ترەمپ فەرمانڕەوای ویلایەتی لویزیانا، جێف لاندری وەک نێردەی تایبەتی ئەمریکا بۆ دوورگەی گرینلاند دەست نیشان کرد.