جيهان

دۆناڵد تره‌مپ: "له‌ ٣٠ی رۆژی داهاتوودا داعش نامێنێت"

- سه‌رۆكی ئه‌مریكا، دۆناڵد تره‌مپ: "له‌ دژی داعش كاری زۆر گه‌وره‌مان ئه‌نجامدا. له‌و ناوچه‌یه‌ی جیهان ژماره‌یان زۆر كه‌مبۆته‌وه‌ و له‌ ٣٠ رۆژی داهاتوودا هیچ (ئه‌ندامێكی داعش) نامێنێت".

Hakan Çopur, Ramal Abdullah Mahmood  | 12.12.2018 - نوێکردنەوە : 13.12.2018
دۆناڵد تره‌مپ: "له‌ ٣٠ی رۆژی داهاتوودا داعش نامێنێت"

Washington DC

واشنتۆن – AA

سه‌رۆكی ئه‌مریكا، دۆناڵد تره‌مپ به‌ ئاماژه‌دان به‌وه‌ی كه‌ وڵاته‌كه‌ی به‌ شێوه‌یه‌كی زۆر سه‌ركه‌وتوو به‌ره‌نگاری داعش بووه‌ته‌وه‌، رایگه‌یاند "له‌ دژی داعش كاری زۆر گه‌وره‌مان ئه‌نجامدا. له‌و ناوچه‌یه‌ی جیهان ژماره‌یان زۆر كه‌مبۆته‌وه‌ و له‌ ٣٠ رۆژی داهاتوودا هیچ (ئه‌ندامێكی داعش) نامێنێت".

دۆناڵد تره‌مپ له‌ میانی به‌شداریكردن له‌ رێوڕه‌سمی واژووكردنی پڕۆژه‌یاسای پاراستنی كه‌مینه‌كان له‌ عێراق و سووریا و پشتیوانیكردنیان كه‌ له‌ كۆشكی سپی به‌ڕێوه‌چوو، له‌باره‌ی به‌ره‌نگاربوونه‌وه‌ی داعشه‌وه‌ لێدوانی سه‌رنجڕاكێشی دا.

له‌ كاتێكدا لێدوانی جیاواز له‌ به‌رپرسانی ئه‌مریكییه‌وه‌ ده‌بیسترێت له‌باره‌ی به‌ره‌نگاربوونه‌وه‌ی داعش و ژماره‌ی چه‌كدارانی داعش له‌ سووریا، لێدوانه‌ نوێیەكه‌ی دۆناڵد تره‌مپ هێنده‌ی دیكه‌ بووه‌ جێی سه‌رنج و تێبینی.

سه‌رۆكی ئه‌مریكا، دۆناڵد تره‌مپ به‌ ئاماژه‌دان به‌وه‌ی كه‌ داعش له‌ ناوچه‌كه‌ كاری زۆر خراپی ئه‌نجامداوه‌ به‌رامبه‌ر هه‌موو ئه‌و كه‌سانه‌ی له‌ ناوچه‌كه‌ ژیاون تیشكی خسته‌ سه‌ر ئه‌وه‌ی كه‌ وڵاته‌كه‌ی هه‌ر له‌ سه‌ره‌تاه‌وه‌ پێداگیرانه‌ به‌ره‌نگاری ئه‌و رێكخراوه‌ بووه‌ته‌وه‌ و گوتی: "له‌ دژی داعش كاری زۆر گه‌وره‌مان ئه‌نجامدا. له‌و ناوچه‌یه‌ی جیهان ژماره‌یان زۆر كه‌مبۆته‌وه‌ و له‌ ٣٠ رۆژی داهاتوودا هیچ (ئه‌ندامێكی داعش) نامێنێت".

دۆناڵد تره‌مپ باسی له‌وه‌ش كرد كه‌ وڵاته‌كه‌ی به‌رده‌وام ده‌بێت له‌ پشتگیریكردنی كه‌مینه‌ ئایینی و نه‌ته‌وه‌ییەكان كه‌ داعش زیانی پێگه‌یاندوون و له‌ به‌رچاوی كامێراكانیش واژووی له‌سه‌ر پڕۆژه‌یاساكه‌ كرد.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın