ئیستانبوڵ ــ AA

بزووتنەوەی حەماس ڕایگەیاند کە ھێشتا غەززە بەھۆی گەمارۆ توندکەی ئیسرائیلەوە، ڕووبەڕووی ترسناکترین جینۆساید بووەتەوە.

گوتەبێژی بزووتنەوەی حەماس، حازم قاسم لە ڕاگەیاندراوێکدا ئاماژەی بەوەداوە: "بەردەوامی گیانلەدەستدانی منداڵان و بەساڵاچووان بەھۆی سەرماوە و بڵاوبوونەوەی نەخۆشییەکان پشتڕاستی دەکەنەوە کە ھێشتا کەرتی غەززە بەھۆی گەمارۆ توندەکەی ئیسرائیلدا ڕووبەڕووی قێزەونترین جینۆساید بووەتەوە".

ڕاشیگەیاندووە: "جێگای داخە کە لەگەڵ بەردەوامی گەمارۆەکەی ئیسرائیل بۆ سەر غەززە، کۆمەڵگای نێودەوڵەتی ناتوانێت یارمەتی مرۆیی پێشکەش بە فەڵەستینییەکان لە کەرتی غەززە بکات".

ھەروەھا داواشی کردووە کە لە سەر ئاستی نێودەوڵەتی دەستوەردانی بەپەلە بکریت بۆ شکاندنی ئەو گەمارۆییەی کە لەلایەن ئیسرائیلەوە خراوەتە سەر غەززە.