تەقینەوەیەک لە ئیدلب ١٠ کوژراوی لێکەوتەوە

ئیدلب - AA

لە ئاکامی تەقینەوەی ئۆتۆمبێلێکی بۆمبرێژکراو لە شارۆچکەی دانا لە شاری ئیدلب، ١٠ مەدەنی گیانیان لەدەست دا و ١٦ دیکە برینداربوون.

بەرپرس لە بەرگری شارستانی شارۆچکەی دانا بەناوی خالید سالح لە لێدوانیدا بۆ ئاژانسی ئانادۆڵو زانیارییەکەی پشتڕاست کردەوە و ئاماژەی بەوەدا کە "لە هێرشەکەدا ١٠ مەدەنی گیانیان لەدەست داوە و ١٦ی دیکە برینداربوون، و چارەسەری پێویست بۆ بریندارەکان دەکرێت کە دۆخی تەندروستی ژمارەکیان ناجێگیرە".