تەقینەوەیەک لە ئۆفیسی سندوقی نێودەوڵەتی دراو روویدا

پاریس- AA

تەقینەوەیەک لە ئۆفیسی سندوقی نێودەوڵەتی دراو (IMF) لە پاریسی پایتەختی فەڕەنسا روویدا.

بەپێی ئەو زانیارییانەی دەستکەوتوون، تەقینەوەکە دوای کردنەوەی زەرفێکی نامە روویداوە و لەئەنجامیشدا کەسێک بەسووکی برینداربووە.

دوای تەقینەوەکەش پۆلیس گەیشتووەتە شوێنی رووداوەکە و نزیکەی 150 کەس کە لەنێو باڵەخانەکەدا بوون، کردووەتە دەرەوە.

ئەوەش زانراوە کە هێزەکانی پۆلیس لە ناوچەکە رێوشوێنی ئەمنیییان گرتووەتە بەر.