تورکیا مەشق بە سەربازانی سوپای لیبیا دەکات

ئەنقەرە- AA

وەزارەتی بەرگریی تورکیا، دەستپێکردنی مەشقی تایبەت بە ئاسایشی کەناراوەکان بە سەربازانی لیبیا راگەیاند.

وەزارەتی بەرگریی تورکیا لە راگەیەندراوێکدا ئەوەی خستوەتەڕوو کە "لە چوارچێوەی رێککەوتنی هەماهەنگی و پشتیوانی مەشقی سەربازیی نێوان ئەنقەرە-تەرابلوس، بەردەوامین لە مەشقپێکردنی هێزە سەربازییەکانی لیبیا. لە ئەنجامی هەماهەنگییەکانمان لەگەڵ لایەنە ناوخۆییەکانی ئەو وڵاتە، دەستکرا بە پێدانی مەشقی تایبەت بە ئاسایشی کەناراوەکان بە سەربازانی لیبیا".