تورکیا تەقینەوەکەی بەسرەی ئیدانە کرد

ئەنقەرە - AA

وەزارەتی دەرەوەی تورکیا تەقینەوەکەی شاری بەسرە باشووری عێراقی ئیدانە کرد.

لەوبارەیەوە وەزارەتی دەرەوەی تورکیا راگەیەندراوێکی بڵاوکردووەتەوە و تیایدا هاتووە "ئەم پەلامارە تیرۆریستییە قێزەونە ئیدانە دەکەین، نزای لێخۆشبوون بۆ ئەو کەسانە دەکەین کە لە پەلامارەکەدا گیانیان لەدەستداوە و هیوای زوو چاکبوونەوەش بۆ بریندارەکان دەخوازین، سەرەخۆشی خۆشمان بە گەل و حکوومەتی عێراقی دۆست و برا رادەگەیەنین".

لە راگەیەندراوەکەدا جەخت لەوەش کراوەتەوە کە تورکیا بەردەوام دەبێت لە پشتیوانیکردنی گەل و حکوومەتی عێراق لە بەرنگاربوونەوەی تیرۆردا.

ئەمڕۆ ماتۆڕسکیلێکی بۆمبڕێژکراو لە شاری بەسرە تەقییەوە و لە ئاکامدا، چوار کەس کوژران و چواری دیکەش برینداربوون.