ئیستانبوڵ - AA

سەرۆکی ئەنجوومەنی کارگێڕی و بەڕێوەبەری گشتیی ئاژانسی ئانادۆڵو، سەردار کاراگۆز ڕایگەیاند: "تێکنۆفێست ماڤی وەتەن بەدرێژایی سێ ڕۆژ پێشوازی لە هاووڵاتیان دەکات و، ئێمەش وەک ئاژانسی ئانادۆڵو بەردەوام دەبین لە گەیاندنی هێز و تواناکانمان لەم شوێنەدا بە تورکیا و جیهان".

تێکنۆفێست ماڤی وەتەن، کە ئاژانسی ئەنادۆڵو هاوبەشی پەیوەندی جیھانییەتی، لەلایەن وەقفی تیمی تەکنەلۆجیای تورکیا (T3 Vakfı) و بە هاریکاریی وەزارەتی پیشەسازی و تەکنەلۆجیا و وەزارەتی بەرگریی تورکیا لە فەرماندەیی کارگەی کەشتیسازی ئیستانبوڵ بەڕێوەدەچێت.

کاراگۆز لە میانی بەسەرکردنەوەی ستاندی ئاژانسی ئانادۆڵودا هەڵسەنگاندنی سەبارەت بە تێکنۆفێست ماڤی وەتەن کرد و، ئاماژەی بەوە کرد تێکنۆفێست ماڤی وەتەن پەیامێک دەدات بە گەنجانی وڵات، کە تورکیا وڵاتێکە سێ لای بە دەریا دەورەدراوە.

کاراگۆز جەختی لەسەر ئەوە کردەوە کە "ماڤی وەتەن (نیشتمانی شین یان ئاو)" بە پێشکەوتن لە بوارى تەکنەلۆجیا دەپارێزرێت و، ڕایگەیاند: "بە بەرهەمهێنان و بەکارهێنانی بەرزترین تەکنەلۆجیا دەیپارێزین. کاری ئەو نەوەیەی پێی دەڵێین نەوەی تێکنۆفێست بە تەواوی لەم خاڵەدا دەستپێدەکات. پاڵپشتی تەکنەلۆجی بۆ سەربازان و سوپاکەمان، پاڵپشتی پێشخستنی تەکنەلۆجیا لە نەوەی تێکنۆفێستەوە دێتط.

گوتیشی: "تێکنۆفێست ماڤی وەتەن بەدرێژایی سێ ڕۆژ پێشوازی لە هاووڵاتیان دەکات و، ئێمەش وەک ئاژانسی ئانادۆڵو بەردەوام دەبین لە گەیاندنی هێز و تواناکانمان لەم شوێنەدا بە تورکیا و جیهان".