بەتەمەنترین کەس لە جیهان لە تەمەنی ١١٨ ساڵیدا کۆچی دوایی کرد

ئەنقەرە – AA

ژنەڕەبەنی فەڕەنسی، لوسیل رۆندۆن کە هەڵگری نازناوی "بەتەمەنترین کەسە لە جیهان"، لە تەمەنی ١١٨ ساڵیدا کۆچی دوایی کرد.

بەپێی ئەو هەواڵەی لە میدیاکانی فەڕەنسا بڵاو کراوەتەوە بەرپرسانی خانەی بەساڵاچووانی شاری تۆوڵۆن باشووری ئەو وڵاتە، رایانگەیاندووە کە لوسیل رۆندۆن رۆژی سێشەمە لەنێو جێخەوی خۆیدا کۆچی دوایی کردووە.

ئەم بەرپرسانە کە ناوی لوسیل رۆندۆن بە "پەرستاری بە ئەزموون ئاندری"یش ناو دەبەن، نیگەرانی خۆیان دەربڕیووە لە کۆچی دوایی ئەم ژنەڕەبەنە، بەڵام باسیان لەوە کردووە کە ناوبراو لەمێژە حەزی لێیە کۆچی دوایی بکات.

لوسیل رۆندۆن کە لە دووی نیسانی ساڵی رابردووەوە، نازناوی بەتەمەنترین کەسی لە جیهان پێ دراوە لە شوباتی ١٩٠٤ لەدایک بووە و لە سەرەتای ٢٠٢١یش دوای تووشبوونی بە ڤایرۆسی کۆرۆنای نوێ، توانی ڤایرۆسەکە تێپەڕێنێت.