بوومەلەرزەیەک بەگوڕی ٢،٦ پلە پارێزگای نەینەوای ھەژاند

ھەولێر ــ AA

بوومەلەرزەیەک بە گوڕی ٢،٦ پلە بە پێوەری رێختەر پارێزگای نەینەوا باکووری عێراقی ھەژاند.

ئەمڕۆ سێشەممە، وەزارەتی گواستنەوەی عێراق لە ڕاگەیاندراوێکدا ئاماژەی بەوەداوە کە بوومەلەرزەیەک بەگوڕی ٢،٦ پلە بە پێوەری رێختەر لە پارێزگای نەینەوا روویداوە.

ڕاشیگەیاندووە، بەپێی ئەوەی لەلایەن ڕوانگەی بوومەلەرزەزانی سەربە دەستەی گشتیی کەشناسی عێراق تۆمار کراوە، بوومەلەرزەکە لە دووری ١٧ کیلۆمەتر لە قەزای شنگال سەربە پارێزگای نەینەوا روویداوە.

باسی لەوەش کردووە کە بوومەلەرزەکە، لەلایەن ھاووڵاتییانەوە ھەستی پێ نەکراوە.

لە ڕاگەیاندراوەکەدا ئەوەیش خراوەتەڕوو کە بوومەلەرزەکە زیانی گیانیی و ماددیی لێ نەکەوتووەتەوە.