بوومەلەرزەیەک بە گوڕی ٥،٩ سنووری ئێران لەگەڵ عێراق دەهەژێنێت

ئیستانبوڵ - AA

بوومەلەرزەیەک بە گوڕی ٥،٩ پلە لەسەر پێوەری رێختەر شارۆچکەی تازە ئابادی سەربە پارێزگای کرماشان رۆژئاوای ئێرانی هەژاند و لە ژمارەیەک ناوچەی هەرێمی کوردستان و عێراق هەستیپێکرا.

ناوەندی بوومەلەرزەزانی زانکۆی تاران بڵاویکردەوە، ناوەندی بوومەلەرزەکە شارۆچکەی تازە ئاباد بووە و کاتژمێر ١٤:٣٧ خولەک لە قووڵایی هەشت کیلۆمەتر توێکڵی زەوی روویداوە.

سەبارەت بە زیانە گیانی و ماددییەکانی بوومەلەرزەکە، هێشتا هیچ زانیارییەک بڵاونەکراوەتەوە و تیمەکانی گەڕان و رزگارکردن رەوانەی ناوچەکە کراون

بوومەلەرزەکە لە ناوچەکانی هەرێمی کوردستانیش لە هەریەک لە پارێزگاکانی سلێمانی، هەڵەبجە، کەرکووک، هەولێر و لە ئیدارەی گەرمیان و راپەڕین هەستیپێکراوە.