بوومەلەرزەیەک ئیندۆنێزیا-ی هەژاند

کوالا لومپور- AA

بوومەلەرزەیەک بەگوڕی ٥،٢ پلە لەسەر پێوەری رێختەر، دوورگەی سولاوێسی باکووری رۆژهەڵاتی ئیندۆنێزیا-ی هەژاند.

وێستگەی وینانگەن جیۆفیزیک لە راگەیەندراوێکدا ئەوەی خستووەتەڕوو کە بەیانی ئەمڕۆ بوومەلەرزەیەک ویلایەتی باکووری سولاوێسی هەژاندووە.

ئەوەش خراوەتەڕوو کە بوومەلەرزەکە لە قوڵایی ١٠ کیلۆمەتر روویداوە و چەقی بوومەلەرزەکە ١٣٥ کیلۆمەتر لە باشووری رۆژهەڵاتی شاری بیتونگ بووە.

باس لەوەشکراوە کە لە شارەکانی بیتونگ و مانادۆ بوومەلەرزەکە هەستی پێکراوە و تا ئێستاش هیچ زیانێکی گیانی بوومەلەرزەکە تۆمار نەکراوە.