ئەنجامە سەرەتاییەکان: ترەمپ ٥٥ کورسی و بایدن ٦٤ کورسی بە دەست هێناوە

واشنتۆن - AA

بە پێی ئەنجامە سەرەتاییە نافەرمییەکان، لە هەڵبژاردنى ٥٩هەمين سەرۆكى ئەمريكادا، دۆناڵد ترەمپ-ی کۆماریخواز ٥٥ و جۆ بایدن-ی دیموکرات ٦٤ کورسی بەدەستهێناوە.

سەرۆکی هەڵبژێردراوی ئەمریکا بە پێی یاسای ئەو وڵاتە پێویستە لە کۆی ٥٣٨ دەنگی ئەلیکترال، دەنگی نیوە زیاتر واتە ٢٧٠ کورسی بۆخۆی مسەوگەر بکات و لەسەر کورسی سەرکۆماری ئەمریکا دابنیشێت.

بە پێی ئەو ئامارانەی کە ئاژانسی هەواڵی (AP)ی ئەمریکی بڵاویکردۆتەوە، دۆناڵد ترەمپ لە ویلایەتەکانی کارۆلینای باشوور٩ کورسی، ئۆکلاهاما ٧، تێنەس ١١، ئالاباما ٩، میسیسیپی ٦، وێرجینیای رۆژئاوا ٥، کنتاکی ٨ و بە گشتی تا ئێستا ٥٥ کورسی بەدەست هێناوە.

هاوکات جۆ بایدن لە هەریەکە لە ویلایەتەکانی وێرمۆنت ٣، ئێلێنۆڤا ٢٠، وێرجینیا ١٣، نیوجێرسی ١٤، دێلاوێر ٣، ماساچووسس ١١ و بە گشتی ٦٤ کورسی بە دەستخستووە.