ئەمریکا، هەلیکۆپتەری ئاپاچی بە قەتەر دەفرۆشێ

واشنتۆن - AA

وەزارەتی دەرەوەی ئەمریکا رەزامەندی نیشان دا لەسەر فرۆشتنی هەلیکۆپتەری جۆری ئاپاچی 24 AH-64E هێرشبەر بە قەتەر کە بەهاکەی ٣ ملیار دۆلارە.

لە راگەیەندراوێکی ئاژانسی هاریکاری ئەمنی، وەزارەتی بەرگریدا هاتووە، "وەارەتی دەرەوەی ئەمریکا لەچوارچێوەی ئەگەری فرۆشتنی سەربازیی دەرەکی دا رەزامەندی نیشان داوە بە پێدانی کارمەندی پێویست و فرۆشتنی هەلیکۆپتەری هێرشبەری ئاپاچی 24 AH-64E بە بەهای خەمڵێنراوی ٣ ملیار دۆلار".

ئاژانسەکە لە راگەیەندراوەکەدا باس لەوە دەکات کە رەزامەندی فرۆشتنەکە رەوانەی کۆنگرێس کراوە و ئاماژە بەوە دراوە ئامانج لێی پاڵشتی کردنی توانای ئاسمانی قەتەرە.