ئەمریکا شەش ھێرشی ئاسمانیی کردە سەر باکووری یەمەن

ئیستانبوڵ ــ AA

حووسییەکان ڕایانگەیاند کە فڕۆکە جەنگییەکانی ئەمریکا، شەش ھێرشیان کردووەتە سەر پارێزگای سەعدە باکووری یەمەن.

کەناڵی مەسیرە سەربە حووسییەکان بڵاوی کردەوە کە فڕۆکە جەنگییەکانی ئەمریکا، شەش ھێرشیان کردووەتەوە سەر پارێزگای سەعدە کە لە میانیدا ناوچەی ئال سالم-یان سەربە پارێزگاکە کردووەتە ئامانج.

کەناڵەکە، وردەکاری زیاتری لەوبارەیەوە بڵاونەکردووەتەوە.

تا ئێستا سوپای ئەمریکا، ھیچ ڕاگەیاندراوێکی لەوبارەیەوە بڵاونەکردووەتەوە.