ئەمریکا درێژە بە پشتیوانی خۆی بۆ عێراق دەدات

واشنتۆن - AA

وەزیری دەرەوەی ئەمریکا، مایک پۆمپیۆ لەگەڵ سەرۆکی ئەنجوومەنی نوێنەرانی عێراق، محەمەد حەلبوسی کۆبووەوە.

گوتەبێژی وەزارەتی دەرەوەی ئەمریکا، رۆبێرت پالادینۆ لەبارەی کۆبوونەوەکە راگەیەندراوێکی نووسراوی بڵاوکردەوە و تێدا رایگەیاند "وەزیر (پۆمپیۆ)، لە چوارچێوەی رێککەوتنی ستراتیژی دووقۆڵی، ئەمریکا بە شێوەیەکی بەھێز پشتیوانی لە پێشخستنی عێراق و دابینکردنی پێداویستییەکانی پێشخستن دەکات".

ھەر ئەو گوتەبێژە راشیگەیاند کە پۆمپیۆ لە کۆبوونەوەکەدا جەختی لەوە کردەوە کە ئەمریکا درێژە بە کارەکانی خۆی لەگەڵ حکوومەتی عێراقی و پشتیوانیکردنی ھێزەکانی عێراقی لە بەرەنگاربوونەوەی رێکخراوی تیرۆریستی داعش دەکات.