ئیسرائیل لە ھێرشی ئاسمانیی بۆ سەر لوبنان بەردەوامە

بەیروت ــ AA

فڕۆکە جەنگییەکانی ئیسرائیل زنجیرەیەک ھێرشیان کردە سەر زاحییە باشووری بەیروت و فڕۆکەخانەی نێودەوڵەتیی ڕەفیق حەریری، ھەروەھا بە بۆمبی ھێشوویی پارێزگای بیقاع-یان لە ڕۆژھەڵاتی لوبنان بۆردومان کرد.

بەپێی ئەو زانیارییانەی کە بەدەستی پەیامنێری ئاژانسی ئانادۆڵو کەتوون، بەرەبەیانی ئەمڕۆ پێنجشەممە، فڕۆکە جەنگییەکانی ئیسرائیل زنجیرەیەک ھێرشیان کردە سەر زاحییە باشووری بەیروت و فڕۆکەخانەی نێودەوڵەتیی ڕەفیق حەریری.

ھاوکات ئاژانسی ھەواڵی فەرمی لوبنان بڵاوی کردەوە کە فڕۆکە جەنگییەکانی ئیسرائیل لە میانی زنجیرەیەک ھێرشدا، بە بۆمبی ھێشوویی پارێزگای بیقاع-یان لە ڕۆژھەڵاتی لوبنان بۆردومان کردووە.

لەبەرامبەردا، حزبوڵڵای لوبنان لە ڕاگەیاندراوێکدا ئاماژەی بەوەداوە کە بە ئاراستەکردنی مووشەک، سەربازانی ئیسرائیلیان لە دەوروبەری شارۆچکەی ماڕون ڕەئس باشووری لوبنان کردووەتە ئامانج.