ئوپەراسیۆنی سەربازی رووسیا بۆ سەر ئۆکراینا دەستی پێ کرد

كراماتۆرسك - AA

سەرۆکی رووسیا، ڤلادیمیر پوتین دوای ئەوەی دەستپێکردنی ئۆپەراسیۆنی سەربازیی تایبەتی بۆسەر ناوچەی دۆنباس خۆرهەڵاتی ئۆکراینا راگەیاند لە شارەکانی ئۆکراینا بەتایبەتی کیێڤ-ی پایتەخت دەنگی تەقینەوە بیسترا.

لە پاڵ کیێڤ لە شارەکانی خارکیڤ، کراماتۆرسک، ماریۆپۆل، میکولایڤ و ئۆدیسا دەنگی تەقینەوە یەک لە دوای یەک بیسترا.

بەرپرسانی ناوخۆی ئۆکراینا، باسیان لەوە کرد کە رووسیا دەستی بە ئۆپەراسیۆنی داگیرکاریی کردووە و دەنگی تەقینەوەکان هێرشی مووشەکین.

زانیاری نەدراوە لەبارەی ئەوەی لەو هێرشانەدا کوێ کراوەتە ئامانج و زیانی گیانی هەبووە یان نا.

هاوکات هیچ روونکردنەوەیەکیش لەبارەی ئەوەی سەربازانی رووسیا پەڕیونەتەوە بۆ ئەودیوی ناوچەی جوداخوازان یان نا نەدراوە.