ئیندۆنێزیا.. تەقینەوەیەك گیانلەدەستدانی ٢٧ كەسی لێكەوتەوە

جاكرتا ــ AA

میدیاكانی ئیندۆنێزیا بڵاویان كردەوە كە لە ئاكامی تەقینەوەیەك لە كارگەیەكی دروستكردنی یارییە ئاگرینییەكان لە رۆژئاوای شاری جاكرتا پایتەختی ئیندۆنێزیا، ٢٧ كەس گیانیان لەدەست دا.

هاوكات ئاژانسی هەواڵیی ئەسیۆشەیتێد پرێس لە فەرماندەی پۆلیسی شاری تانگیرانگ، هاری كورنیاوان گواستەوە كە بە هۆی رووداوەكەوە تا ئێستا، ٢٣ كەس گیانیان لەدەستداوە و بەدەیانی دیكەش بریندار بوون.

ئاژانسەكە بڵاوی كردەوە، ٤٥ كەس كە لە ئاكامی تەقینەوەكەدا برینداربوون بە ئامانجی چارەسەركردن، گواستراونەتەوە نەخۆشخانە.