Aydoğan Kalabalık,Hemın Othman Mohammed
24 ئادار 2019•نوێکردنەوە: 25 ئادار 2019
قاهیره - AA
وهزیرانی دهرهوه و سهرۆكی دهزگا ههواڵگرییهكانی میسر، عێراق و ئوردن له قاهیرهی پایتهختی میسر كۆبوونهوهیهكی هاوبهشیان ئهنجامدا.
له راگهیهندراوێكدا كه لهلایهن وهزارهتی دهرهوهی میسرهوه بڵاوكراوهتهوه، ئاماژه بهوه كراوه كه بەرلە لووتكهی سێقۆڵی كه ئهمڕۆ لهنێوان سهركۆماری میسر، عهبدلفهتاح سیسی، سهرۆكوهزیرانی عێراق، عادل عهبدولمههدی و شای ئوردن، عهبدوڵڵای دووهم سازدهكرێت، كۆبوونهوهی ئامادهكاری ئهنجامدراوه.
له راگهیهندراوهكهدا باس لهوه كراوه كه لهو كۆبوونهوهیهدا بیروڕا ئاڵوگۆڕكراوه لهبارهی بابهته ههرێمییهكان و ئاسایشی نهتهوهیی وڵاتهكان، ئهوهیش خراوهتهڕوو كه ئامانجی لووتكهكه "قۆناغی هاریكاری هاوبهشی عهرهبه".
چاوهڕوان دهكریت له لووتكه سێقۆڵییهکەدا له پاڵ بابهته ههرێمییهكان تاوتوێی زنجیرهیهك بابهتی ئابووریی بكرێت لهوانه هێڵی بۆری نهوتی بهسره-عهقهبه و دووباره بنیاتنانهوهی عێراق.
