وەزارەتی تەندروستیی ھەرێمی کوردستان: "٦٥٨ حاڵەتی دیکەی کۆرۆنا تۆمارکران"

هه‌ولێر - AA

وەزارەتی تەندروستیی ھەرێمی کوردستان رایگەیاند: "لە ٢٤ کاتژمێری رابردوودا، ٢٠ کەسی دیکە دوای تووشبوونیان بە ڤایرۆسی کۆرۆنا، گیانیان لەدەستداوە".

وەزارەتی تەندروستی حکوومەتی ھەرێمی کوردستان ئاماری ٢٤ کاتژمێری رابردووی بلاوکردەوە و تیاییدا ئاماژە بەوەکراوە کە لە ٢٤ کاتژمێری رابردوودا ٦٥٨ کەسی دیکە تووشی ڤایرۆسی کۆرۆنا بوون و ٢٠ کەسی دیکەش گیانییان لەدەستداوە.

لە راگەیاندراوەکەدا ئەوەشخراوەتەڕوو کە سێ ھەزار و ٥٢٤ کەس پشکنییان بۆ کراوە و لەو ژمارەیەش ٦٥٨ کەس تووشی ڤایرۆسی کۆرۆنا بوون کە تیاییدا ٤٤٣ کەس لە ھەولێر، ١٢٨ کەس لە سلێمانی، ٢٠. گەرمیان و ٦٧ کەس لە دھۆک تووشی ڤایرۆسی کۆرۆنا بوون.

وەزارەتی تەندروستی ئەوەیشی خستووتەڕوو کە ٢٠ کەس گیانییان لەدەستداوە کە، ١٣ کەسیان لە ھەولێر، شەش کەس لە سلێمانی و یەک کەسیش لە گەرمیانن.

کۆی گشتی تووشبووان لە ھەرێمی کوردستان گەیشتووەتە ٢٠ ھەزار و ٦٦٠ کەس و، ١١ ھەزار و ٢٠٧ کەسیش دوای وەرگرتنی چارەسەری پێویست گەڕاونەتەوە ناو خێزانەکانییان و، ٧٣٢ کەسیش بەھۆی ڤایرۆسەکەوە گیانییان لەدەستداوە.