حکوومەتی ئەمریکا ناتوانێت فشار بخاتە سەر کۆمپانیای ئەپڵ

کۆمپانیای ئەپڵ رەتی کردەوە رێگە بدات، کۆدی نهێنی سەر مۆبایلێکی ئایفۆن بشکێنێت.

لە بەرامبەردا دادگای جەمیس ئۆریەنستین رایگەیاند كە بەبێ رەزامەندی كۆمپانیای ئەپڵ هیچ شتێك ناكەن و فشار ناخەنە سەر ئەو كۆمپانیایە.

ئیف بی ئای، لە پەلامارێكی سەر شاری سان بێرناندینۆ لە ساڵی ٢٠١٥ دەستی بەسەر ئایفۆنی پەلاماردەرەكە رەزوان فاروقدا گرت و لەو چوارچێوەیەشدا داوای لە كۆمپانیای ئەپڵ كرد کە یارمەتی بدات لە شكاندنی کۆدی نهێنی ئایفۆنەكە، بەڵام كۆمپانیای ئەپڵ رەتی كردەوە ئەو كارە بكات و رایگەیاند كەوا پێشێلی یاساكانی كۆمپانیا ناكات و ئەو زانیاریانە بە نهێنی دەهێڵێتەوە.

ئەم بڕیارەی ئەپلێش مشتومڕی لە نێوان كاربەدەستانی ئیف بی ئای و كۆمپانیای ئەپڵ دروست كرد و هەردوولا هانایان بۆ دادگا برد، بەڵام دادگا رەتی كردەوە فشار بخاتە سەر كۆمپانیای ئەپڵ و جەختی كردەوە لەوەی كە ئەو كۆمپانیایە مافی خۆیەتی پارێزگاری لە نهێنییەكانی بكات.

بڕیارە دوایین دانیشتن لەسەر ئەم دۆسیە لە ٢٢ی ئەم مانگە بەڕێوەبچێت.