یڵدرم: "یه‌كپارچه‌یی خاكی عێراق ده‌خوازین"

سەرۆکوەزیرانی تورکیا بینالی یڵدرم دوای ئەنجامدانی نوێژی هەینی لە مزگەوتی جەنابی ئەحمەد پاشا لە ناوچەی ئاڵتنداغی ئەنقەرە، وەڵامی پرسیاری رۆژنامەوانانی دایەوە

لە وەڵامی پرسیاری رۆژنامەوانێکدا کە پرسی: "بۆچوونتان چییە لەبارەی بڕیاری ئەنجامدانی ریفراندۆمی سەربەخۆیی هەرێمی کوردستان لە ٢٥ی ئەیلوول؟"، یڵدرم گوتی: "بۆچوونی ئێمه‌ زۆر روون و ئاشكرایه‌. ئێمه‌ یه‌كپارچه‌یی خاكی عێراق ده‌خوازین. ده‌مانه‌وێت هه‌موو عێراقییه‌كان به‌یه‌كه‌وه‌ و وه‌ك یه‌ك ده‌وڵه‌ت بژین. له‌به‌رئه‌وه‌ی له‌ ناوچه‌كه‌ماندا كێشه‌ی پیویست هه‌یه‌، پیمانوایه‌ كه‌ دروستكردنی كێشه‌یه‌كی دیكه‌ راست نییه‌ و، لەو باوەڕەداین ئه‌م بڕیاره‌ نابه‌رپرسیارانه‌ دراوه‌".