کلیس.. دوو مووشەکی کاتیوشا لە سووریاوە ئاراستەی شارەکە کرا

دوو مووشەکی کاتیوشا کە لە سووریاوە ئاراستە کرابوون، لە شاری کلیس کەوتنە خوارەوە و بەهۆیەوە دوو کەس بریندار بوون.

بە گوێرەی زانیارییەکان، یەکێک لە مووشەکەکان لە گۆڕەپانێکی نزیک شەقامی جمهورییەت کەوتە خوارەوە و تەنها زیانی ماددی بە ناوچەکە گەیاندووە.

دەستبەجێ تیمەکانی ئاسایش رێوشوێنی ئەمنی توندیان لە ناوچەکە گرتەبەر.

تەنیا ١٠ خولەک دوای ئەو تەقینەوەیە مووشەکێکی دیکە کەوتە باخچەی ماڵێک لە گەڕەکی بێشئێڤلار و بەهۆیەوە ٢ کەس بریندار بوون.