کاردانەوەی وەزیری دەرەوەی تورکیا بەرامبەر بە ئەڵمانیا

وەزیری دەرەوەی تورکیا، مەولود چاوشئۆغڵو، سەبارەت بە هەڵوەشاندنەوەی کۆبوونەوەی وەزیری دادی وڵاتەکەی لەگەڵ هاووڵاتییانی تورکی دانیشتووی ئەڵمانیا، وێڕای وەبیرهێنانەوەی ئەوەی پێشتریش هەوڵی لەوجۆرەی رێگرییکردن هەبووە، رایگەیاند: ''ئەمە بووەتە رێکارێکی بەرنامە بۆ داڕێژراوی دەوڵەتی قووڵی ئەڵمانی''.

مەولود چاوشئۆغڵو لە میوانخانەی فەرمیی وەزارەتی دەرەوەی تورکیا لەگەڵ وەزیری دەرەوە و بازرگانی دەرەوەی هەنگاریا، پیتەر سزیجارتۆ لەمیانی خوانی بەیانیدا، کۆبوویەوە و دواتریش روونکردنەوەی دایە رۆژنامەوانان.

چاوشئۆغڵو سەبارەت بەو کۆبوونەوەیەی کە بڕیار بووە وەزیری دادی وڵاتەکەی لەئەڵمانیا بەشداریی تێدابکات و هەڵوەشێنراوەتەوە، رایگەیاند: ''ئەم کارەی ئەڵمانیا نە لەچوارچێوەی دیموکراسییدا، نە لەچوارچێوەی ئازادیی رادەربڕین و ئازادیی گردبوونەوەدا، جێگەی نابێتەوە. ئەو وڵاتەی کە لە هەوڵی ئەوەدایە وانەی دیموکراسی بداتە هەمووان، تەنانەت ئەوەی کە دەست وەردەداتە کاروباری ناوخۆی ژمارەیەکی زۆر لە وڵاتان و سیستەمی وڵاتەکەی رێگریی لە ئەنجامدانی ئەو جۆرە چالاکییانە دەگرێت، لەبنەڕەتدا نیشانەی ئەوەیە کە ئەڵمانیا و رۆژئاوا چەند دەبڵ مۆراڵن''.

چاوشئۆغڵوو ئاماژەی بەوەش دا کە ساڵی رابردوو هەر لە ئەڵمانیا رێگری کراوە لە کۆبوونەوەیەکی سەرکۆماری تورکیا، رەجەب تەیب ئەردۆغان لەکاتێکدا رێگە بە کۆبوونەوەی پەکەکە دەدرێت و گوتی "رێگە بە تیرۆریستان دەدەن، بەڵام سەرکۆماری تورکیا کە لە رێی دەنگی خەڵکەوە هەڵبژێردراوە رێگەی پێنادرێت".

چاوشئۆغڵو ئاماژەی بەوەدا کە هەوڵ دەدرێت کۆبوونەوەکانی سەرۆکوەزیران بینالی یڵدرم -یش رێگریان بۆ دروست بکرێت لەرێی شارەوانیەکانەوە کە بێگومان ئەوەش رێککەوت نییە بەڵکو کاری دەوڵەتی قوڵی ئەڵمانیایە.

چاوشئۆغڵوو لەپەیامێکیدا بۆ ئەڵمانیا گوتی: ''دەبێت ئێمە وەک هاوبەشێکی یەکسان تەماشا بکەن. تورکیا وڵاتێک نییە لەژێر فەرمانی ئێوەدا بێت. ئێوە بەرپرس نین لە تورکیا. ئێوە پلە یەک و تورکیا پلە دوو نییە. ئێمە مامەڵەی لەوجۆرە لەگەڵ ئێوەدا ناکەین. لەبەر ئەوە ئێوەش ناچارن وەک هاوبەشێکی یەکسان مامەڵە لەگەڵ تورکیادا بکەن''.