ئەنقەرە - AA

سەرکۆمار ئەردۆغان ڕایگەیاند، "پیرۆزبایی نەورۆز لە خووشک و برایانی ئێرانی دەکەم کە بە هۆی تەشەنەکردنی جەنگی سووریا و عێراقەوە گیرۆدەی ئەو دۆخە بوون و ئاواتەخوازم ئەم ڕۆژە پڕ مانایە ببێتە هۆی کۆتایی هێنان بە جەنگ لە ناوچەکەماندا".

سەرکۆماری تورکیا ڕەجەب تەیب ئەردۆغان بە بۆنەی ڕۆژی ٢١ی ئادار، جەژنی نەورۆزەوە، پەیامێکی پیرۆزبایی ئاراستەی بەشداربووانی بۆنەکە لە هۆڵی کامیل ئۆجاک لە غازی عەنتاب کرد.

ئەردۆغان وێڕای وەبیرهێنانەی بەرزڕاگرتنی نەورۆز لە ئیستانبوڵ کە ساڵی ڕابردوو لە ژێر چاودێری ئەوان بەڕێوەچوو و ئەمساڵ لە غازی عەنتاب بەڕێوەدەچێت، گوتی: "پیرۆزبایی ڕۆژی نەورۆز لە (خەڵکی) هەر چوارگۆشەی جوگرافیای دڵ و کولتوور دەکەم".

لە پەیامەکەی سەرکۆماردا هاتووە:

"ئێمە لە هەموو ٨١ پارێزگاکەمان و هەروەها لە هەموو شوێنێکی جیهانی تورک، بە هەستێکی هاوبەش لە دەوری ئاگری نەورۆز کۆدەبینەوە. وەک هەنگاوێک بۆ بەهێزکردنی ئەم هەستە هاوبەشە، نەورۆزمان کردە ڕۆژێکی هاوبەش بۆ هەمووان. پەنا بە خوا لە ساڵی ٢٠٢٦دا سێزدەهەمین کۆبوونەوەی گشتی خێزان لە تورکیا بەڕێوەدەبەین کە خێرایی دەبەخشێتە ئەم هەنگاوانە. بەو بۆنەیە، لەگەڵ هاووڵاتیانمدا پیرۆزبایی جەژنی نەورۆز لە هەموو برایانم لە ئازەربایجانەوە هەتا قەزاقستان، لە قرقیزستانەوە هەتا ئۆزبەکستان، لە تورکمەنستانەوە هەتا کۆماری تورکی قوبڕسی باکوور و هەنگاریا دەکەم. هەروەها پیرۆزبایی نەورۆز لە خووشک و برایانی ئێرانی دەکەم کە بە هۆی تەشەنەکردنی جەنگی سووریا و عێراقەوە تووشی ئەو دۆخە بوون و ئاواتەخوازم جەنگەکان لە ناوچەکەدا کۆتایی پێبێت. هیوادارم ئەو کەشەی بەهارییەی کە نەورۆز لەگەڵ خۆی دەیهەنێت، ئومێد بۆ دڵەکان، سەقامگیری بۆ کۆمەڵگاکان و ئاشتی بۆ جیهان بەدی بێنێت".