پەرلەمانتارانی ئاکپارتی لە دێرسمن

له‌سه‌ر بڕیاری ٢٤ هەمین کۆبوونەوەی راوێژکاریی ئاکپارتی كه‌ به‌سەرپەرشتی سەرۆکوەزیرانی تورکیا ئەحمەد داودئۆغڵو به‌ڕێوه‌ چوو، هەریەک لە پەرلەمانتارانی ئاکپارتی، عەزمی ئەکینجی، مستەفا شاهین، به‌مه‌به‌ستی سه‌رپه‌ره‌شتی و راییکردنی داواکاریی هاووڵاتیانی ئەو سێ شارەی کە ئاکپارتی لە هەڵبژاردنی ١ی تشرینی دووهەمی ساڵی رابردوودا نەیتوانی سه‌ربكه‌وێ، ئه‌مڕۆ بەسەردانێکی فه‌رمی ئەو پەرلەمانتارانە گەیشتنە شاری دێرسم و لەنزیکەوە لە داواکاریی هاووڵاتیانیان کۆڵییەوە .

ئەو پەرلەمانتارانە لەگەڵ نوێنەرانى کۆمەڵگەی مەدەنیدا کۆبوونەوەیەکیان ئەنجامدا بەمەبەستی وەرگرتنی راو بۆچوونەکانیان .

دوای کۆبوونەوەكە، ئەکینجی لێدوانی بۆ رۆژنامەنوساندا و ئاماژەی بەوەدا:" ئەوان بەیەک چاو تەماشای سەرجەم رێکخراوەکانی کۆمەڵگەی مەدەنی دەکەن و هەروەها ناوبراو ئاماژەی بەوەدا کە ئەوان هەنگاو دەنێن بەئاراستەی سارێژکردنی ئەو برینانەی کە سیستەمی کۆنی تورکیا دروستکردوون لەبارەی پرسی کوردو عەلەویيەوە".

ئەکینجی گوتیشی: " ئاماژەی بەوەدا کە ئاکپارتی ٢٣ ملیۆن دەنگی لە سەرجەم تورکیا بەدەستهێناوە ولەکاتێکدا تەواوی دەنگدەری دێرسم ٥٦ هەزار کەسن کە ئەگەر ئاکپارتی تەواوی ئەو دەنگانەی دێرسميش بەرێتەوە ئەوا لەسەدا ٢ ی دەنگەکان جیاوازی دەبێت. بەڵام ئەوان مەبەستیان لە سەردانیکردنی دێرسم زیادکردنی دەنگەکانیان نیيە بەڵکو هەوڵ دەدەن کە دێرسميەكان لەخۆیان رازی بکەن، هەربۆیە ٣ پەرلەمانتار دەستنیشانکراون لەلایەن ئاکپارتیەوە تاکو لەنزیکەوە ئاگای لە داواکاری هاوڵاتیانی ئەو شاراە بن".