پێکدادانی دوو ترام لە سامسون برینداربوونی ٢٦ کەسی لێکەوتەوە

سامسون - AA

لە ئەنجامی پێکدادانی دوو ترام لە قەزای جانیک سەر بە پارێزگای سامسون، ٢٦ کەس بریندار بوون کە برینی یەکێکیان سەختە.

دوو ترامی سیستەمی هێڵی شەمەندەفەری سامسون (SAMULAŞ) لە نزیک وێستگەی پیازا پێکیاندادا.

دوای ئاگادارکردنەوەیان تیمە پەیوەندیدارەکان گەیشتنە شوێنی رووداوەکە.

بەگوێرەی زانیارییە سەرەتاییەکان، لە رووداوەکەدا ٢٦ کەس بریندار بوون کە برینی یەکێکیان سەختە.

تیمەکانی تەندروستی لە رێگەی ئەمبولانسەوە بریندارەکانیان گواستەوە بۆ نەخۆشخانەکانی شارەکە.