وەرگەڕانی پاسێکی سەربازیی لە شاری سامسون

سامسون - AA

پاسێکی کە سەربازانی ھەڵگرتبوو لە شاری سامسۆن وەرگەڕا و بەپێی ئامارە سەرەتاییەکان، ٤٧ کەس بریندار بوون.

پاسەکە لە شاری تۆقاتەوە بەڕێکەوتبوو و دواتر لە نزیک شارۆچکەی کاڤاکی شاری سامسۆن لە رێگەی ئەنقەرە-سامسون لە رێڕەوی خۆی دەرچوو و وەرگەڕا.

دوای رووداوەکە ژمارەیەکی زۆر لە تیمەکانی تەندروستی و رزگارکردن بۆ شوێنی رووداوەکە گواسترانەوە.

بەپێی ئامارە سەرەتاییەکان، ٤٧ کەس بریندار بوون کە ١٥ لە بریندارەکان بۆ نەخۆشخانەکانی سامسون و ئەوانی دیکەش بۆ نەخۆشخانەی گشتی کاڤاک گواسترانەوە.

زانیاری ئەوە گەیشتووە کە سێ لە بریندارەکان تەندروستیان ناجێگیرە.