Mustafa Çavuş
19 ئاب 2020•نوێکردنەوە: 19 ئاب 2020
سامسون - AA
لە شارۆچكەى تەككەكوى سەربە پارێزگاى سامسون لە توركيا، ژمارەيەكى زۆر كۆچبەرى ناياسايى لە پشتى بارهەڵگرێك دەستگيركران.
لە خاڵى پشكنينى چوونە ناو شاردا، كارمەندانى پۆليس بارهەڵگرێکیان راگرت، لە دواى گەڕان و پشكنيندا ژمارەيك كۆچبەرى ناياسايى بينرا.
كۆچبەرە ناياساييەكان كە لە پشتى بارهەڵگرەكەدا خۆيان شاردبوويەوە بەهۆى پلەكانى گەرماوە دەستيانكرد بە دڕاندنى چادرى بارهەڵگرەكە. پۆليس كۆچبەرەكانى لە بارهەڵگرەكە داگرت و ئاوى خواردنەوەى پێدان.
ژمارەیەک لە كۆچبەرەكان هەوڵى هەڵاتنيان دا. كۆچبەرەكان لە ژێر رێكارێكى ئەمنيى توندا بردرانە هۆڵى وەرزشيى ئاتاتورك.
