وەزیری بەرگریی تورکیا پێشوازی لە نوێنەری تایبەتی ئەمریکا بۆ کاروباری سووریا کرد

ئەنقەرە - AA

وەزیری بەرگریی تورکیا، خولوسی ئاکار پێشوازی لە نوێنەری تایبەتی ئەمریکا بۆ کاروباری سووریا، جەیمس جێفری کرد و لە میانی کۆبوونەوەی نێوانیاندا ئاکار باسی لە چاوەڕوانی تورکیا لە ئەمریکا کرد بۆ کۆتاییھێنان بە پەیوەندییەکانی لەگەڵ یەپەگە/پەکەکە و تەواوکردنی نەخشەرێگای منبج بەخێرایی.

بەپێی ئەو راگەیەندراوەی لە وەزارەتی بەرگریی تورکیا بڵاوکراوەتەوە، وەزیری بەرگریی تورکیا، خولوسی ئاکار پێشوازی لە نوێنەری تایبەتی ئەمریکا بۆ کاروباری سووریا، جەیمس جێفری کردووە و کۆبوونەتەوە.

لە راگەیەندراوەکەدا ئاماژە بەوە کراوە کە لە کۆبوونەوەکەدا تاوتوێی پێشهاتەکانی رۆژھەڵاتی فوڕات و منبج و دواپێشھاتەکانی سووریا کراوە.

لە راگەیەندراوەکەدا زیاتر ھاتووە: "وەزیر ئاکار پێداگری تورکیا لە پاراستنی بەرژەوەندییەکان و مافەکان لە چوارچێوەی یاساکانی نێودەوڵەتی کردوووە، و ھاوکات باسی لە چاوەڕوانی تورکیا لە ئەمریکا کرد بۆ کۆتاییھێنان بە پەیوەندییەکانی لەگەڵ رێکخراوی تیرۆریستی یەپەگە/پەکەکە و تەواوکردنی نەخشەرێگای منبج بەخێرایی".

راشگەیەندرا کە لە کۆبوونەوەکەی ئاکار و جێفری باس، لە پێکەوە کارکردنی ھەردوو وڵات بۆ چارەسەرکردنی کێشەکان کراوە.

جێی ئاماژەیە سەرۆک ئەرکانی سوپای تورکیا، یاشار گولەر ئامادەی کۆبوونەوەکەی ئاکار و جێفری بووە.