وەزارەتی کارەبای هەرێم: "بەھۆی گرفتی ئەمنییەوە ٢٥٠٠ مێگاوات کارەبا کەمی کرد"

وەزارەتی کارەبای حکوومەتی ھەرێمی کوردستان ئاماژەی بەوەکردووە کە بەھۆی گرفتێکی ئەمنییەوە بەرھەمھێنانی کارەبا لە کێڵگەی کۆڕمۆڕ کەمبووەتەوە.

وەزارەتی کارەبای حکوومەتی ھەرێمی کوردستان لە ڕاگەیاندراوێکدا بڵاویکردەوە: "بەھۆکاری گرفتێکی ئەمنی لە کێڵگەی کۆڕمۆڕ ھەناردەی غاز بۆ وێستگەکانی بەرھەمھێنانی کارەبا کەمبووەوە، بەمەش بەرھەمھێنانی کارەبا بەبڕی ٢٥٠٠مێگاوات کەمی کرد".

وەزارەتەکە ئاگاداری ھاوبەشانی کارەباشی کردووەتەوە کە: "ئەم حاڵەتە کاتییە و ھەموو لایەنە پەیوەندارەکان لەسەر ھێڵن بۆ دووبارە دەستپێکردنەوەی ھەناردەکردنەوەی غاز بۆ وێستگەکانی بەرھەمھێنانی کارەبا".