ئەنقەرە - AA

ڕاوێژکاری پەیوەندییەکان و ڕاگەیاندن لە وەزارەتی بەرگریی تورکیا، ئەدمیراڵ زەکی ئاکتورک لە بینای وەزارەتی بەرگریی تورکیا کۆنگرەیەکی ڕۆژنامەوانیی سازکرد.

ئاکتورک باسی لەوە کرد کە سوپای تورکیا بە هەموو توانایەوە پێداگرانە بەردەوامە لەسەر خەبات لە پێناو بەرگریی و ئاسایشی وڵات و، ڕووبەڕووبوونەوەی تیرۆر و هەموو جۆرە مەترسییەک بۆ سەر یەکێتیی و یەکڕیزیی وڵات.

زەکی ئاکتورک ئاماژەی بەوە کرد کە ئۆپەراسیۆن و هەڵمەتەکانی کێوماڵ کردن بۆ تەواو سفرکردنەوەی توانای ڕێکخراوی تیرۆریستیی بۆ ئەنجامدانی کردە و جووڵە درێژەی هەیە و، ڕایگەیاند: "لە ماوەی هەفتەی ڕابردوودا، چوار تیرۆریستیی دیکەی پەکەکە کە لە حەشارگەکانی باکووری عێراق هەڵاتوون خۆیان ڕادەستکردووە".

گوتیشی: "لە میانی ئۆپەراسیۆنەکانی لە ناوچەی چنگ-قفڵ لە نێو ئەشکەوتەکانی تیرۆریستاندا دەستگيرا بەسەر ژمارەیەکی زۆر چەک، تەقەمەنی و پێداویستی ژیاندا و لەناوبران".