وەزارەتى بەرگريى توركيا: "لە ئيدلب پێنچ سەرباز شەهیدبوون و پێنج سەربازى ديكەش برينداربوون"

ئەنقەرە - AA

وەزارەتى بەرگريى توركيا، رايگەياند لە ئاكامى تۆپپارانى چڕى رژێم (سووریا) لە ئيدلب پێنچ سەربازی تورکیا گيانيان لەدەستداوە و پێنج سەربازى ديكەش برينداربوون.

وەزارەتى بەرگريى توركيا لە روونكردنەوەيەكدا، رايگەياند هێزەكانى رژێم تۆپبارانێكى چڕيان كردۆتە سەر كاروانە سەربازييەكان كە بۆ رێگريگرتن لە شەڕ و پێكدادان لە ئيدلب و بەرقەراركردنى ئاسايش لەسەر سنوور و رێگرتن لە شاڵاوى كۆچ و ئاوارەبوون، نێردرابوون بۆ ناوچەكە.

لە روونكردنەوەكەدا هاتووە:

"لە ئاكامى تۆپپارانى چڕى رژێم لە ئيدلب پێنچ سەرباز گيانيان لەدەستداوە و پێنج سەربازى ديكەش برينداربوون. ئەو ئامانجانەى كە دەستنيشان كراون لە ناوچەكە دەستبەجێ وەڵامى پێويستيان دراوەتەوە، ئامانجەكان خاپووركراون و خوێنى شەهيدەكانمان بە هەدەر نەچوو. لە نزيكەوە چاودێرى پێشهاتەكان دەكەين و رێوشوێنى پێويست گرتراوەتەبەر.

دواكارين لە خوداى گەورە شەهيدەكانمان بەبەهەشتى بەرين شادبكات، خواى گەورە سەبوورى خێزانەكان و سوپاكەمان و نەتەوەكەمان بداتەوە. هيواى چاكبوونەوەى خێرا بۆ بريندارەكان دەخوازين".