وەرزی رێواس لە شەمزینان

وەرزی رێواس لە بەرزاییەکانی شارۆچکەی شەمزینانی سەر بە پارێزگای ھەکاری دەستیپێکرد و کەوتە بازارەکانی ئەو شارۆچکەیە.

رێواس بەدەر لە تامە خۆشەکەی پڕە لە ڤیتامینەکانی A و E وC بۆیە داواکاری زۆری لەسەرە.

یەکێک لە فرۆشیارانی رێواس بە ناوی عوسمان ئایدن دەڵێت "چەندین مانگە چاوەڕێی وەرزی رێواس دەکەم بۆ ئەوەی پارەیەکی باشی لێ قازانج بکەم".

ئایدن ئاماژەی بەوە دا کە رێواس بۆ نەخۆشییەکانی پاڵەپەستۆی خوێن و شەکرە سوودی ھەیە و ھەر دەستەی بە پێنج لیرە دەفرۆشێت و داواکارییەکی زۆری خەڵکیشی لەسەرە.