وه‌رگه‌ڕانی پاسێك له‌نێوان ئه‌نقه‌ره‌ و بورسا

بورسا - AA

له‌ئه‌نجامی وه‌رگه‌ڕانی پاسێكی نه‌فه‌رهه‌ڵگری لەنێوان ئه‌نقه‌ره‌-بورسا شه‌ش كه‌س گیانیان له‌ده‌ستدا و ژماره‌یه‌كی دیكه‌ش برینداربوون.

به‌پێی ئه‌و زانیارییانه‌ی ده‌ست ئاژانسی ئانادۆڵو كه‌وتووه‌، پاسه‌كه‌ له‌ ناوچه‌ی مه‌زیت وه‌رگه‌ڕاوه‌. ده‌ستبه‌جێ ژماره‌یه‌كی زۆر ئۆتۆمبێلی فریاكه‌وتن و ئاگركوژێنه‌وه‌ گه‌یشتنه‌ شوێنی رووداوه‌كه‌.

به‌پێی زانیارییه‌ بەراییه‌كان له‌ رووداوه‌كه‌دا، شه‌ش كه‌س گیانیان له‌ده‌ستداوه‌ و ژماره‌یه‌كی زۆر برینداریش گه‌یه‌نراونه‌ته‌ نه‌خۆشخانه‌كان.

راشگه‌یه‌نرا کە سه‌رنشینانی پاسه‌كه‌ به‌مه‌به‌ستی به‌شداریكردن له‌ چالاكییه‌كانی رۆژی جیهانیی ژنان به‌ره‌و ئه‌نقه‌ره‌ رۆیشتوون.