ئیستانبوڵ - AA

لە چوارچێوەی لێکۆڵینەوە لە دۆسیەی گەندەڵی سەرۆکایەتی شارەوانی شارۆچکەی بایرام پاشا لە ئیستانبوڵ، بڕیاری دەستگیرکردن بۆ ٤٨ گومانلێکراو دەرکرا کە یەکێکیان سەرۆکی شارەوانی حەسەن موتڵو'یە.

داواکاری گشتی کۆماری ئیستانبوڵ، لەسەر تاوانەکانی، بەرتیل، فرت و فێڵ و ساختەکاری لە تەندەرەکاندا، دۆسیەی لێکۆڵینەوەی لەسەر سەرۆکایەتی شارەوانی شارۆچکەی بایرام پاشا لە ئیستانبوڵ کردەوە.

لە چوارچێوەی دۆسیەکەدا، بڕیاری دەستگیرکردن بۆ ٤٨ گومانلێکراو دەرکرا.

بەو پێیە تیمەکانی هۆبەی بەرەنگاربوونەوەی تاوان لە بەڕێوەبەرایەتی گشتی پۆلیسی ئیستانبوڵ دەستیان بە ئۆپەراسیۆن کرد و لە ئۆپەراسیۆنێکی هاوکاتدا ژمارەیەکی زۆر لە گومانلێکراوان لەوانەش، سەرۆکی شارەوانی حەسەن موتڵو'یان دەستگیر کرد.