ئاگری - AA

لە پارێزگای ئاگری، شەش کەس کە بەهۆی بەفر و کڕێوەوە لە ڕێگاکان گیریان خواردبوو، لەلایەن تیمەکانەوە ڕزگار کران.

بارینی بەفر و کڕێوە کە ماوەی سێ ڕۆژە لە شارەکەدا بەردەوامە، کاریگەری نەرێنیی لەسەر هاتوچۆ لە گوندەوارەکاندا دروستکردووە.

دوای وەرگرتنی زانیاری لەسەر چەقینی ئۆتۆمبێلێک لە ناو بەفردا و گیرخواردنی دوو سەرنشین لە ڕێگەی گوندی یاکنجا سەر بە ناوەندی پارێزگاکە، سێ تەکنیکاری گەڕان و ڕزگارکردنی بەڕێوەبەرایەتی ئافاد و تیمێکی کۆمەڵەی گەڕان و ڕزگارکردن ڕەوانەی ناوچەکە کران. بە هەوڵی تیمەکان توانرا ئەو دوو کەسە ڕزگار بکرێن.

هەروەها لە ڕێگەی سۆغانکۆی سێ کەس کە لە ناو ئۆتۆمبێلێکی چەقیودا مابوونەوە، لەگەڵ کەسێکی دیکەدا لە قەزای ئەلەشکیرت کە بە تراکتۆرەکەی لە ڕێگا پەکیکەوتبوو، لەلایەن تیمەکانی ئافاد و جەندرمەوە ڕزگار کران.