شەپۆلێکی بەهێزی سەرماوسۆڵە رووی لە رۆژهەڵاتی ئانادۆڵو کرد

ئەرزەڕۆم - AA

لە پارێزگاکانی ئەرزەڕۆم، قەرس، ئەردەخان و ئاگری بەهۆی نزمبوونەوەی پلەکانی گەرما، گۆلاوەکان و تانکی سووتەمەنی ئۆتۆمبێلەکان بەستیان.

شەپۆلێکی بەفربارین لە شەودا، رووی لە ئەرزەڕۆم کرد و دواتر پلەکانی گەرما بەشێوەیەکی بەرچاو دابەزین و گەیشتنە ١٥ پلەی ژێر سفری سەدی، بەمهۆیەشەوە حەوزی بەشێک لە مزگەوتەکان و نافورەی سەر شەقامەکان بەستیان.

بەهۆی سەرماوسۆڵەشەوە لە هەندێک شوێن رێگا و پلیکانەکان بەستیان و جامی ئۆتۆمبێلەکانیش زوقمیان گرت.

ئەستووری بەفر لە ناوەندی خلیسکێنەی پالاندۆکەن گەیشتە ٢٦ سانتیمەتر.

- قەرس

لە پارێزگای قەرس، شەپۆلی بەهێزی سەرماوسۆڵە کاریگەری نەرێنی لەسەر ژیانی هاووڵاتییان دروست کرد، بەهۆی سەرماوسۆڵەشەوە گۆماوەکان و جامی ئۆتۆمبێلکان بەستیان.

هاووڵاتییان لەڕێی داپۆشینی ئۆتۆمبێلەکانیان بە بەتانی و فەرش هەوڵیاندا ئۆتۆمبێلەکانیان بپارێزن.

- ئەردەخان

کاریگەرییەکانی سەرما لە پارێزگای ئەردەخان-یش بەردەوامبوون و بەوهۆیەوە گۆلاوەکانی شارەکە بەستیان.

هەروەها لە شوێنەکانی تایبەت بە خلیسکێنەی قەڵای ئەردەخان، چلوورە بە گوێسەبانەکاندا هاتنەخوار.

- ئاگری

بەهۆی ئەو شەپۆلی بەفربارینەی دوێنێ پارێزگای ئاگری گرتەوە، سەرمایەکی زۆر رووی لە شارەکە کرد.

هەروەها بەهۆی کاریگەرییەکانی سەرماوسۆڵەوە، رووباری موراد و کانیاوەکان بەستیان.

بەهەمان شێوە جامی پەنجەرەی خانوو و شوێنکارەکان زوقمیان گرت و هاووڵاتییان بە بەتانی و کومبار ئۆتۆمبێلەکانیان داپۆشی.