شرنه‌خ ... ئۆپەراسیۆن دژی چەکدارانی پەکەکە

لە ده‌ورووبه‌ری قەزای بەیتوشەبابی پارێزگای شرنه‌خ دەست بەسەر ژمارەیەک چەک و بڕێک تەقەمەنی چەکدارانی پەکەکەدا گیرا.

بەپێی زانیارییەکان، فەرماندەیی تیمە تایبەتەکانی جەندەرمه‌ رۆژی ٢٠ی ئەیلوول ئۆپەراسیۆنێکیان له‌ دەوروبەری گوندی پنارباشی لە قەزای بەیتوشەباب ئەنجامداوە و دەستیان بەسەر ژمارەیەک چەک، بڕێک تەقەمەنی، پێداویستیی سەربازیی و وێنەی فۆتۆگرافیی چەکدارانی رێکخراوی تیرۆریستیی پەکەکەدا گرتووە کە ئەو ناوچەیان وەک جبەخانە بەکارهێناوە.