توركيا
شاندێکی سەربازیی لیبیا لێكۆڵینهوه لە پاشماوەی ئەو فڕۆکەیهدا دەکات کە لە ئەنقەرە کەوتە خوارەوە
Hüseyin Cem Dağıstanlı, Muhammed Nuri Erdoğan |
24.12.2025 - نوێکردنەوە : 24.12.2025
Ankara
ئەنقەرە - AA
گرووپێک لە بەرپرسانی سەربازی لیبیا، سەرقاڵی لێكۆڵینهوهن لە پاشماوەی ئەو فڕۆکە تایبەتەی سەرۆک ئەرکانی سوپای لیبیا، جەنەراڵ محەمەد عەلی ئەلحەداد و چوار یاوەری و سێ كهسی له تیمی فڕۆکەوانیی هەڵگرتبوو.
ئەو بەرپرسە سەربازییانەی دوای ڕووداوەکە ڕاسپێردراون بۆ لێكۆڵینهوه له ڕووداوی كهوتنه خوارهوهی فڕۆكهكه، لە ڕێگەی ئاسمانییەوە گەیشتنە ئەنقەرە.
شاندەکە لەلایەن بەرپرسانی وەزارەتی بەرگریی توركیاوه پێشوازی لێکرا و، دواتر بەرەو گوندی کەسیککاڤاک له قەزای هایمانای ئەنقەرە بەڕێکەوت.
ئەندامانی شاندەکە لەگەڵ بەرپرسانی پەیوەندیدار چوونە ئەو شوێنەی پاشماوەی فڕۆکەکەی لێیە و، لێكۆڵینهوهكان بەردەوامە.
