سەركۆمارى توركيا رەجەب تەيب ئەردۆغان گەڕايەوە توركيا

ئيستانبوڵ - AA

سەركۆمارى توركيا، رەجەب تەيب ئەردۆغان، دواى سەردانە يەك رۆژييەكەى بۆ كوێت و قەتەر، گەڕايەوە توركيا.

ئەو فڕۆكە تايبەتەى كە ئەردۆغان و شاندى ياوەرى هەڵگرتبوو، كاتژمێر ٢٢:٣٠ لە فڕۆكەخانەى ئاتاتورك نيشتەوە.

پارێزگارى ئيستانبوڵ عەلى يەرليكايا و بەپرسانى ديكە پێشوازييان لە ئەردۆغان كرد.

هەر يەك لە وەزيرى دارايى و گەنجينە بەرات ئاڵبايراك، وەزيرى وەرزش و لاوان محەمەد قەسابئۆغڵو، وەزيرى بەرگریى خولوسى ئاكار، سەرۆكى دەزگاى ميت هاكان فيدان، سەرۆكى پەيوەندييەكان سەر بە سەرۆكايەتى كۆمار فەخرەددين ئاڵتون و گوتەبێژى سەرۆكايەتى كۆمارى توركيا ئيبراهيم كاڵن لەگەڵ ئەردۆغان گەڕانەوە توركيا.

- سەردانەكانى كوێت و قەتەر

سەركۆمارى توركيا رەجەب تەيب ئەردۆغان، نيوەڕۆی ئەمڕۆ چوارشەممە، گەيشتە كوێت و لەگەڵ ميرى كوێت، نەواف ئەحمەد جابر سەباح كە لە دواى كۆچى دوايى سەباح ئەحمەد جابر سەباح ئەركى وەرگرتووە كۆبوويەوە و سەرەخۆشى لێكرد.

پاشان، ئەردۆغان و شاندى ياوەرى روويان كردە قەتەر و لەوێ لەگەڵ ميرى قەتەر شێخ تەميم بن حەمەد ئالسانى كۆبوويەوە.

لە دواى ئەو كۆبوونەوە دوو قۆڵييەى كە لە كۆشكى دەريا لە دۆحەى پايتەخت بەڕێوەچوو و يەك كاتژمێر و ١٠ خولەكى خاياند، ئەردۆغان و ئال سانى نانى ئێوارەيان خوارد.