دوو سەربازی سوپای تورکیا گیانیان لەدەستدا

ئەو دوو سەربازەی سوپای تورکیا کە لەئەنجامی هێرشێکی چەکدارانی پەکەکە لە چۆڵەوانییەکانی دەوروبەری شارۆچکەی لیجەی سەربە پارێزگای دیاربەکر، بەسەختی بریندار ببوون، لە نەخۆشخانە گیانیان لەدەستدا.

بەپێی ئەو روونکردنەوەیەی کە لەلایەن سەرۆکایەتی ئەرکانی سوپای تورکیاوە بڵاوکراوەتەوە، لەدرێژەی ئۆپەراسیۆنەکان لە چۆڵەوانییەکانی دەوروبەری شارۆچکەی لیجە، چەکدارانی پەکەکە هێرشیان کردووەتە سەر هێزە ئەمنییەکان.

لەئەنجامی پێکدادانەکدا دوو سەرباز بریندار بوون و رەوانەی نەخۆشخانە کراون، بەڵام سەرەڕای هەموو هەوڵەکان نەتوانراوە ژیانیان رزگاربکرێت و گیانیان لەدەستداوە.