''داعش و پەیەدە تەنها کرێگرتە و رووکارن''

جێگری سەرۆكوەزیرانی توركیا یاڵچن ئاكدۆغان لە ئەژماری تایبەتی خۆی لە تۆڕی كۆمەڵایەتی تویتەر هەڵسەنگاندنی بۆ گوتەكانی نوێنەری هەمیشەیی سووریا لە نەتەوە یەكگرتووەكان بەشار جەعفەری كرد.

جێگری سەرۆكوەزیرانی توركیا نووسیویەتی: ''نوێنەری رژێمی ئەسەد لە نەتەوە یەكگرتووەكان، دانی بەوەدا ناوە كە هاوكاریی پەیەدە دەكەن و هاریكاری یەكترن. زۆر روونە كە ئەم هاوپەیمانێتییە خراپە کە داعشی نەكردووەتە ئامانج و جەنگی لە دژی ئۆپۆزسیۆنی میانڕەو و هاووڵاتییانی سڤیل بەرپاكردووە. داعش و پەیەدە تەنها كرێگرتە و رووكارن''.