بانگەوازی ئەردۆغان لەبارەی حەلەب بە سێ زمان

ئەنقەرە

سەركۆماری توركیا، رەجەب تەیب ئەردۆغان لەسەر ھەژماری خۆی لە تویتەر لەبارەی پرۆسەی گواستنەوەی كاروانەكان لە حەلەب، بە سێ زمان تویتێكی بڵاو كردەوە كە تێیدا ھاتووە: "ھەوڵە چڕەكانی توركیا لەبارەی ئاگربەستی حەلەب و درێژەدان بە گواستنەوەی كاروانەكان، رەنگە دوا ئومێد بێت بۆ ھاووڵاتییە بێتاوانەكانی حەلەب".

ئەردۆغان لەسەر ھەژماری "RT_Erdogan" لە تویتەر لەبارەی پرۆسەی گواستنەوەی كاروانی ھاووڵاتییانی سڤیل لە حەلەب تویتێكی بە زمانی توركی، عەرەبی و ئینگلیزی بڵاو كردەوە.

سەركۆماری توركیا لە تویتەكەیدا رایگەیاند: "ھەوڵە چڕەكانی توركیا لەبارەی ئاگربەستی حەلەب و درێژەدان بە گواستنەوەی كاروانەكان، رەنگە دوا ئومێد بێت بۆ ھاووڵاتییە بێتاوانەكانی حەلەب. داوا لە گشت لایەنەكان و كۆمەڵگەی نێودەوڵەتی دەكەم پشتگیری لە ئاگربەست و پرۆسەی گواستنەوەی كاروانەكانی حەلەب بكەن. توركیا گەلی حەلەبی بە تەنھا جێ نەھێشتووە و جێشیان ناھێڵێت. ھەرچییەكیش ببێت، ئێمە لە رزگاركردنی تاكە گیانێك گشت ھەوڵەكانمان دەخەینەگەڕ".