توركیا.. له‌ پارێزگای ئۆردو دوای بارانی به‌خوڕ ٧٨١ كرێكار ره‌وانه‌ی ناوچه‌یه‌كی پارێزراو كران

ئۆردو – AA

دوای ئه‌وه‌ی بارانێكی به‌خوڕ ئێواره‌ی دوێنێ شارۆچكه‌ی فاستا-ی له‌ پارێزگای ئۆردو گرته‌وه‌، ٧٨١ كرێكاری كشتوكاڵی ره‌وانه‌ی ناوچه‌یه‌كی پارێزراو كران.

پارێزگاری ئۆردو، تونجای سۆنه‌ل ئه‌و ناوچانه‌ی به‌سه‌ر كرده‌وه‌ كه‌ به‌هۆی بارانه‌كه‌وه‌ زیانیان پێ گه‌یشتووه‌ و زانیاریی له‌ لایه‌نه‌ په‌یوه‌ندیداره‌كان وه‌رگرت.

تونجای سۆنه‌ل له‌ هه‌ژماری فه‌رمیی خۆی له‌ تۆڕه‌ كۆمه‌ڵایه‌تییه‌كان، ئاماژه‌ی به‌وه‌ داوه‌، دوای بارانه‌كه‌ بۆ ئه‌وه‌ی زیانیان پێ نه‌گات، ٧٨١ كرێكاری كشتوكاڵی كه‌ سه‌رقاڵی لێكردنه‌وه‌ و كۆكردنه‌وه‌ی بندوق بوون، ره‌وانه‌ی ناوچه‌یه‌كی پارێزراو كردووه‌.